Ай тотылган төндә...

Бүген Айның тулысынча тотылуы көтелә, ул рекордлы 1 сәгать 22 минут дәвам итәчәк. Бу соңгы еллардагы иң мавыктыргыч вакыйгаларның берсе булачак, һәм аны илнең бөтен территориясендә диярлек күзәтергә мөмкин булачак.

Ай тотылу – Җирнең Кояш белән Ай арасында тәңгәл килеп, үз иярчененә күләгә төшергәндә була. Кояш тотылудан аермалы буларак, Ай тотылуыны күз белән һәм бинокль аша күзәтү тулысынча хәвефсез.

Ай тулы күләгәдә 82 минут торачак.  Мондый күренешнең максималь мөмкин булган дәвамлылыгы - 108 минут, бу бик сирәк була.

Мәскәү планетарие 7 сентябрьдә Ай тотылуның җентекле расписаниесен бастырды:

18: 28 (Мәскәү вакыты) — Ай Җирнең ярым күләгәсенә кагылачак.

19: 27 – өлешчә тотылу башлана: Айның сул кырые караңгылана.

20: 31-тотылуның тулы фазасы: ай тулысынча җир күләгәсенә кереп кызыл төскә керәчәк.

21:12-максималь фаза.

21:53 – Ай күләгәдән чыга башлый.

22: 57 – Ай тулысынча күләгәдән чыга.

23:55 – ярым күләгәле фаза тәмамлана, тотылу ахыры.

Ай тотылуның гомум озынлыгы  — 3 сәгать 30 минут. Ул Русиянең барлык территориясендә күренәчәк, Чукотканың иң көнчыгыш районнарыннан тыш. Күзәтүләр өчен шартлар күпчелек төбәкләр өчен уңайлы булачак, ди белгечләр.

Фото: "Российская газета"