Салкыннарга кадәр утыртып калыгыз!

Әгәр көздән утырткан сарымсакларыгыз ел саен уңыш белән сөендерми икән, бәлки, сез утыртканда хаталар ясыйсыздыр. Белгечләр көздән утыртуның берничә кагыйдәсе турында искәртә.

Октябрьнең беренче декадасында бакчада сарымсак чәчү эшләрен төгәлләргә кирәк. Тамыр системасын үстерергә өлгерсен өчен сарымсакны салкыннарга кадәр утыртыгыз, ләкин вакытыннан алда "уянмасын" өчен артык иртә дә утыртырга кирәк түгел. Иң яхшысы 12 градус җылы булганда утырту, ә суганга 5 градус җылы да җитә.

Сарымсак тырнакларын 45 градуска авыш итеп утыртыгыз, туфракка вертикаль салмагыз. Авышлык тамырларга җәялеп үсүен тәэмин итә.

Сарымсак тырнаклары арасында 15 сантиметр араны саклагыз.

Киң ара аларга үсәргә ярдәм итә, шуңа күрә уңыш эрерәк һәм яхшырак була.

Туфракка 1-2 сантиметр ком салу яхшырак. Ком дренаж функциясен үти, артык дымны чыгара һәм сарымсакны кышкы чорда туңудан, черүдән саклый.

Автор фотосы.