Быел көзге каникуллар озынрак булачакмы?

Быелгы уку елында беренче каникуллар якынлаша.  Уку календаре нигезендә, 1-11 сыйныф укучылары өчен көзге каникуллар 25 октябрьдән 2 ноябрьгә кадәр узачак.

“Агымдагы елның үзенчәлеге шунда, каникуллардан соң ук безне дәүләт бәйрәме – 4 ноябрьдә Халыклар бердәмлеге көне, ял көне көтә. Шулай итеп, укучыларның тугыз көн рәттән – 25 октябрьдән 4 ноябрьгә кадәр ял итү мөмкинлеге булачак.  Балалар 5 ноябрьдә, чәршәмбе көнне, ял итеп һәм яңа казанышлар өчен тулы көч белән янә парта артына утырачак”, – дип белдерде Телеграм каналда мәгариф министры Илдар Мәүлетбердин. – Ата-аналардан бу чорда балаларның иминлеген кайгыртуларын үтенәм, ә укучыларның үзләренә бу көннәрне файдалы итеп үткәрүләрен: күбрәк саф һавада йөрүләрен, кызыклы китаплар укуларын, вакытларын гаиләләре белән уздыруларын һәм мәдәни чараларга йөрүләрен телим. Каникуллар имин һәм хәвефсез узсын!

Автор фотосы.