Алдагы елда бәйрәмнәр күп булырмы?

2026 елда Русиядә, бәйрәмнәр белән бәйле, җиде кыскартылган эш атнасы булачак. Бу хакта “РИА Новости” хәбәр итә.

"2026 елда, хезмәт календаре нигезендә, җиде кыскартылган эш атнасы көтелә", - диелә хәбәрдә.

Билгеле булуынча, февральдә русиялеләр Ватанны саклаучылар көне уңаеннан, 21-23ендә ял итәчәк, ә дүрт көн эшләячәк – 24тән 27гә кадәр. Алга таба кыска атна 10-13 мартта, 27-30 апрельдә, шулай ук 12-15 майда һәм 8-11 июньдә көтелә.

2026 елның 4 ноябре һәм 31 декабре шулай ук ял көннәре булачак, шуңа күрә ноябрьдә Русиядә ике өлешкә бүленгән эш атнасы булачак, ул нибары дүрт көн дәвам итәчәк, ә декабрьнең соңгы атнасында нибары өч көн эшләргә туры киләчәк.

Автор фотосы.