Боз чәчләрен күргәнегез бармы?

“Янган-Тау” геопаркында сирәк очрый торган табигый күренешкә тап булганнар. Биредә черегән агач өслегендә юка боз җепләре барлыкка килгән. Бу хакта “БашПрирода” Телеграм каналы хәбәр итә.

Ефәсыман боз җепләрен “боз чәче” яисә  “йөнтәс боз" дип атыйлар. Алар түбән температура, югары дымлылык һәм җилсез һава торышы шартларында барлыкка килә. Агач эчендә Exidiopsis effusa гөмбәсе яши, нәкъ аның аркасында шундый табигать могҗизасы барлыкка килә.

Фото: Полежанкина П. Г.