Уылдыкны ничек дөрес сайларга?

Ел тәмамланырга аз гына артык вакыт калып бара. Уңган хуҗабикәләр инде Яңа ел бәйрәме табынын кайгырта да башлады.  Җиләк-җимеш, ит, балык ризыклары белән янәшә кызыл уылдык та өстәл түрендә еш кына урын ала. Аны ничек дөрес сайларга? Ашыгыч медицина ярдәме чакырулары белән бәйрәмне караңгылатмас өчен нәрсәгә игътибар итәргә кирәк?

Башкортстанның Ветеринария буенча дәүләт комитеты уылдыкны ничек дөрес сайларга икәнлеген искәртте. Ведомство белгечләре аның консистенциясенә игътибар итәргә киңәш итә. Алар тыгыз, өсте дымланып, ялтырап торырга тиеш. Бөртекләр бер-берсеннән җиңел аерылырга тиеш, уылдык массасының аз гына үзлелеге рөхсәт ителә. Уылдыкларның зурлыгы балык төренә һәм өлгерү стадиясенә бәйле.

Аның исе тәмле булырга, артык, ят хуш исләр булмаска тиеш. Әгәр җитештерүче уылдык эшкәртү технологияләрен һәм срокларын бозган икән, продукциядә күкерт водороды яки аммиак исе булачак. Аз сизелерлек ачылыгы рөхсәт ителә.

Ветеринария буенча дәүләт комитеты сорбин кислотасы микъдары 0,1-0,2% тан артмаска тиеш дип кисәтә, чит катнашмалар булу рөхсәт ителми. Бу вакытта бик аз күләмдә шартлаган бөртекләр булуы ихтимал. Кайбер очракларда, үсемлек мае һәм глицеринны артык кушканда, уылдыклар тонык була һәм уылдык тәмендә ачылык сизелә.

"Сөләйман балыклары уылдыгының ялган булуын билгеләү өчен тикшерүнең экспресс-методлары бар. Моның өчен уылдыкны җылы сулы стаканга салып болгатырга кирәк. Бу вакытта катнашма ак төскә керә. Әгәр уылдык табигый булмаса, ясалма бөртекләр эри. Табигый уылдык бөртекләре чиста килеш аска утыра, үз формасын һәм күләмен саклап кала", - дип киңәш итәләр ведомство.

Уылдык сатып алыр алдыннан Ветеринария буенча дәүләт комитеты белгечләре аның хәвефсезлегенә инанырга киңәш итә. Сатып алучы сатучыдан ветеринария-санитария экспертизасы бәяләмәсен яисә сатыла торган продукциянең хәвефсезлеген раслый торган ветеринария белешмәсен бирүне таләп итәргә хокуклы.

Фото: sport-express.ru