Шәехзадә Бабич исемендәге премиягә лаек булдылар

Конкурс комиссиясе 2023 һәм 2024 елларда бастырылган эшләрне бәяләде.
Яшерен тавыш бирү юлы белән комиссия казанышлары югары танылу алган өч җиңүчене билгеләде:
Башкортстанның атказанган артисты, Х. Әхмәтов исемендәге Башкорт дәүләт филармониясенең солист-вокалисты, Халыкара, Бөтенрусия, республика җыр бәйгеләре лауреаты Дамир Таипов югары профессиональ казанышлары һәм вокал сәнгате өлкәсендә башкорт музыкасын пропогандалаганы өчен Шәехзадә Бабич исемендәге яшьләр премиясенә лаек булды.
Заһидә Мусина һәм Рәзина Урманшина — Кемель Токаевның «Серле эз» китабын әдәби тәрҗемә иткән һәм хәзерге милли проза үсешенә керткән өлеше өчен, Хәбир Аралбаев «Өч туган» хореографик картинасында солист буларак башкорт халык-сәхнә биюе өлкәсендәге эше һәм Башкортстан Республикасының мәдәни мирасы буларак башкорт хореографик сәнгатен алга җибәрүе өчен Шәехзадә Бабич исемендәге яшьләр премиясенә лаек булдылар.

- Җиңүчеләрне сайлау катлаулы булды, номинантлар һичшиксез талантлы һәм оригиналь, ә эшләргә тирән мәгънә һәм зур тарих салынган. Яшьләребезнең эшкә тугрылыгы һәм актив иҗади позициясе республикабызның бай мәдәниятен саклауга һәм үстерүгә илһамландыра һәм бәяләп бетергесез өлеш кертә. Якын көннәрдә лауреатларны бүләкләү тантанасын Республика йортында уздырачакбыз, - дип билгеләп үтте Башкортстанның яшьләр сәясәте министры Вито Сабиров.

Җиңүчеләрне бүләкләү тантанасы Башкортстан Республикасы Конституциясе көненә туры китереләчәк.
Башкортстанда 2025 елдан әдәбият, сәнгать һәм архитектура өлкәсендә республика яшьләр премияләре күләме 500 мең сумга кадәр артачак, дип билгеләделәр Яшьләр сәясәте министрлыгында.

Фото: Башинформ