Инфаркт якынлашуын хәбәр итә

Ростовның Көньяк федераль университетының алдынгы Инженерлык мәктәбе хезмәткәрләре, студентлар белән берлектә, инфаркт якынлашуы һәм йөрәк авырулары булган кешеләрдә башка проблемалар турында хәбәр итә торган аппарат - кардиорегистратор булдырганнар.

Йөрәк авырулары булган кешеләрнең халәтен анализларга сәләтле портатив аппарат фитнес-трекерны хәтерләтә. Җайланма өзлексез  рәвештә кешенең физиологик күрсәткечләрен яздырып бара.

Кискен хәл килеп туган очракта кардиорегистратор автомат рәвештә туганнарының смартфоннарына геолокацияле SOS сигналын җибәрә.

Фото: ЮФУ