Сөткә пешкән ботка файдалы

Сөткә пешкән боткаларының файдасы төп ике компонентка — ярмага һәм сөткә бәйле. Бөртекле культуралар организмны озак вакытка энергия белән тәэмин итүче катлаулы углеводлар чыганагы булып хезмәт итә, шулай ук аларда ашказаны-эчәк трактының нормаль эшләве өчен кирәкле азык җепселләре дә бар.

Сөт, үз чиратында, аксымга, кальцийга, фосфорга һәм В төркеме витаминнарына бай. Бөртеклеләр белән бергә ул туклыклы матдәләрне үзләштерүне яхшырта һәм ризыкның калориялелеген арттыра, бу балалар, үсмерләр һәм  авыр физик хезмәттә булган кешеләр өчен аеруча мөһим.

Солы, карабодай һәм тары кебек түбән һәм уртача гликемик индекслы ярмалар кандагы шикәрнең тотрыклы дәрәҗәсен саклап калырга ярдәм итә. Мондый боткалар иртәнге аш өчен аеруча файдалы, чөнки организмга кискен сикерешсез, салмак кына энергия тупларга кирәк.

Сөткә пешкән ботка балаларны тукландыруда еш кына беренче катлаулы ризыкларның берсе була. Ботка чәйнәү күнекмәләрен үстерергә булыша, организмны үсү өчен төзелеш материалы белән тәэмин итә һәм тамак тую хисен формалаштырырга ярдәм итә.

Шулай да сөтле боткалар бөтен кешегә дә туры килми. Әйтик, лактаз җитешсезлеге — сөт аксымнарын таркатучы ферментлар дәрәҗәсе кимү күзәтелгәндә. Мондый очракларда сөтле боткалар ашау эч кабару һәм авырту, ашкайнату бозылуга китерергә мөмкин.

Шулай ук чикләүләр сыер сөте аксымына аллергия булган кешеләргә дә кагыла. Аллергия реакциясе иммун системасына йогынты ясый һәм тиредә тимгелләр чыгу, сулыш алу яисә ашкайнату бозылу симптомнары белән чагылырга мөмкин. Мондый кешеләр өчен сөтле боткалар бөтенләй ярамый.

Автор фотосы.