Кыярның сыналган сортларын сайлагыз!

Деревенский разносол

Бу гибрид иртә өлгерә — беренче яшелчәләр шытып чыкканнан соң 45 көннән соң үк күренә башлый. Аңа бал кортлары кирәкми, ул салкыннарны тыныч кына кичерә һәм ачык грунтта яхшы үсә. Үсемлекнең авыруларга ныклы иммунитеты бар.

Кыярлары зур түгел, эчтә бушлыклар юк, сусыл, кетердәвек, тәмле, ачысыз. Мондый кыярлар салатка да, банкага ябарга да яхшы.

Клавдия

Шытып чыкканнан соң якынча илленче көнгә беренче уңышны җыеп алырга була. Сорт дымлы һәм салкын җәйдә дә уңыш бирә. Кыярлары җыйнак, төз, 10 сантиметрга кадәр. Йомшагы татлы, хуш исле. Җыюда бераз тоткарлансаң да, орлыклары йомшак һәм сизелми. Эчендә бушлык булмый, тәме әче түгел.

Победитель

Сорт соң өлгерә - беренче уңышка кадәр ике ай чамасы вакыт уза. Ләкин көтү өметләрне аклый. Бу сорт яхшы уңышы һәм авыруларга бирешмәве белән сөендерә. Кыярлар 15 сантиметрга кадәр үсә, эчләре бик сусыл, кетердәп тора һәм хуш исле.

Маринда

Бу гибрид теплицалар өчен ясалган: аңа серкәләндергечләр кирәкми. Мул уңышлы, бер төендә бишкә кадәр кыяр утырырга мөмкин, һәм алар бер үк вакытта диярлек өлгерә. Һава торышы уңайлы булмаса да, бу кыярның уңышы барыбер булачак.

Тәмле, хуш исле, тозлаган яисә маринадлаганнан соң да кетердәп торачак. Маринданың орлыклары арзан түгел, ләкин  бу гибрид чыгымнары тулысынча аклана.

Темп

Беренче кыярны 43нче көнгә татып карый алачаксыз. Төп сабак бернинди чикләүләрсез үсә, ә төрле якка таралган бәбәкләре көчен алмый. Яшелчәләр кыска, тигез, нечкә, ләкин тыгыз тиреле. Эчендә тоташ йомшак, орлыксыз һәм бушлыксыз, кетердәп тора һәм сусыл. Әче тәме булмый. Темп авырулардан да, һава торышы сюрпризларыннан да курыкмый, шуның өчен башкалардан югарырак бәяләнә дә.

Автор фотосы.