Кичке алтыдан соң ашамау дөресме?

Кичке алтыдан соң ашаудан тазарырга мөмкин дигән ышану – миф. Бу хакта диетолог-нутрициолог Роман Пристанский «Радио 1» белән әңгәмәдә сөйләгән. Аның сүзләренчә, организм төнлә күзәнәкләрне тергезү, гормоннар синтезы һәм тукымаларны “ремонтлау” белән шөгыльләнә, ә бу процесслар өчен энергия кирәк.

“Ни өчендер кичке 18:00 тылсымлы булып тоела. Ләкин санасак, бу стратегиянең җитди минусы бар. Без 00:00дә ятабыз – бу 6-7 сәгать ризыксыз тору дигән сүз, ягъни организм өчен 12-14 сәгать ачлык килеп чыга. Якты көннең яртысын гомумән берни ашамыйча торып карагыз. Гади кеше өчен моның мәгънәсе юк”, – ди Пристанский.

Диетолог шулай ук ашау арасындагы озак вакытлы тәнәфесләр шикәр дәрәҗәсе сикерүгә һәм мускул массасы югалуга китерә, дип өстәде.

Автор фотосы.