Исминә белән Ясминә туган...

ЗАГС реестры мәгълүмати-аналитик порталы республика халкы үз балаларына кушкан популяр һәм сирәк исемнәрне яңартты.

Агымдагы елның 23 маена булган мәгълүматлар буенча, сирәк очрый торган кызлар исемлегендә Исминә, Шакира, Линда, Фәрештә һәм Тиана бар. Малайларның сирәк исемнәре арасында Мирзаали, Әбдерәхим, Эван, Петр һәм Ранис.

Башкортстанда кызларга ешрак Амелия, Ясминә, София, Әминә һәм Эмилия дигән исемнәр кушала. Малайлар арасында: Әмир, Эмир, Марк, Тимур һәм Михаил исемнәре бик популяр булып кала.

Автор фотосы.