Сезнең балалар сөт яратамы?

Сөт ризыклары балалар үсеше өчен бик мөһим, чөнки алар организмны кальций, йод һәм аксым белән тәэмин итә, дип билгели табиблар.

Белгечләр ассызыклавынча, сөт ризыкларын бары тик сыер сөте аксымына аллергия расланганда яисә лактоза ярамаган очракта гына рационнан алырга кирәк.

 Күпчелек балалар өчен сөт диетасы сөякләр сәламәтлегенең һәм йөрәк-кан тамырлары системасының нигезе булып тора. Сөт ризыклары кальцийга бай, ул балачакта сөякләрне формалаштырырга һәм аларның сәламәтлеген сакларга ярдәм итә.

Экспертлар шулай ук сөт астмага китерә яки лайла җитештерүне арттыра дигән киң таралган фикерне кире кага. Тикшеренүләр сөт продуктларын куллану һәм астма симптомнары кискенләшү арасындагы бәйләнешне расламаган.

Авырлыкны контрольдә тоту мәсьәләсендә дә галимнәр сөт ризыклары яклы. Аксым һәм кальций озак вакытлы тук булу тойгысына ярдәм итә, бу артык авырлык җыю куркынычын киметә. Белгечләр майсызландырылган сөт ризыкларын шик астына куя. Алар фикеренчә, сөттәге майлар организмга зыян китерми.

Автор фотосы.