Кайсысы файдалырак: чияме, әллә төче чияме?

Белгечләр әйтүенчә, аларның берсен икенчесенә караганда файдалырак дип әйтү бик үк дөрес түгел, чөнки икесе дә организм өчен файдалы витаминнарга ия. Ике культура да аз калорияле (100 г га 50-62 ккал), клетчаткага, витаминнарга, шулай ук калийга, магнийга һәм кальцийга бай. Алар йөрәк-кан тамырлары системасына уңай йогынты ясый, кан басымын нормальләштерә, эчәклек системасы эшен яхшырта һәм иммунитетны ныгыта.

Ләкин аларның составы аерыла Чиядә А һәм С витаминнары, шулай ук су күбрәк. Ул азрак калорияле. Чия ялкынсыну һәм күзәнәкләрнең картаюы белән көрәшүче антиоксидантларга бай. Төче чия исә күбрәк клетчатка, калий һәм ирекле шикәрләрдән тора, бу исә аның тәмен татлырак итә. Моннан тыш, төче чия аз кислоталы булуы белән аерылып тора, шуңа күрә аны хәтта ашказаны сизгер яки сару кайнаудан җәфаланучы кешеләргә дә ашарга мөмкин. Бу җимеш организмнан артык сыеклыкны чыгарырга ярдәм итә һәм мелатонин булуы аркасында йокыны яхшырта.

Чия белән төче чия арасында сайлау сезнең сәламәтлек торышына бәйле булырга тиеш, ди табиблар. Әгәр сезгә С витамины һәм минималь калорияле антиоксидантлар чыганагы кирәк икән, чияне сайлагыз. Әгәр ашкайнату өчен клетчатка, бавыр һәм ашказаны өчен зыянсыз татлы десерт кирәк икән, төче чиягә өстенлек бирегез. Һәрхәлдә, ике җимеш тә, сәламәтлек өчен каршы күрсәтмәләр булмаганда, файдалы.

Автор фотосы.