Урманга сыбызгысыз йөрмәгез!

Көзге көннәрдә урманга гөмбәгә китүчеләр арасында югалу очраклары еш була торган хәл. Гадәттән тыш хәлләр министрлыгының Башкортстан буена Баш идарәсе урманга җыенганда берничә гади, ләкин мөһим кагыйдәне истә тотарга чакыра:

Телефоныгыз тулы зарядкалы булсын. Тулысынча корылган телефон һәм портатив аккумулятор (powerbank) алыгыз. Батарея зарядын саклагыз. Ул сезгә ашыгыч ярдәм итә ала.

Маршрутны алдан язып куегыз. Туганнарыгызга яки дусларыгызга һәрвакыт кайсы урманга баруыгызны һәм кайчан кайтырга ниятләвегезне әйтегез. Бу эзләүне шактый тизләтә торган төп кагыйдә.

Югалган очракта тиз табарга ярдәм итә торган әйберләрне үзегез белән алыгыз:

• Сыбызгы (ул кычкырганга караганда, ерактанрак ишетелә).
• Гади компас (әгәр телефон сүнсә, ориентлашырга ярдәм итәр).
• Ачык төстәге кием (сезне урман уртасында табарга ярдәм итәр).
• Фонарь (көз көне бик тиз караңгы төшә).

Әгәр адаштыгыз икән, шул урында туктагыз, 112 номеры буенча ярдәм чакырыгыз.

Үзегезне саклагыз! Сезнең хәвефсезлек — сезнең кулда!

Автор фотосы.