Арзанлы керамик кружкаларга кызыкмагыз!

Арзанлы керамик кружка бөтенләй зарарсыз күренергә мөмкин, ләкин аның куркыныч матдәләр бүлеп чыгаруы бик ихтимал. Аерым алганда, сүз билгеле бер шартларда кружкадан эчемлеккә күчәргә мөмкин булган кургаш һәм кадмий турында бара. Куркыныч, чыннан да, бар. Табиблар ассызыклавынча: керамик кружканы каплаган глазурь өчен нинди материаллар кулланылу мөһим.

Глазурь – керамика өстеннән каплана торган пыяласыман катлам. Ул өслекне шома һәм үткәрми торган итә, шулай ук савыт-сабаның төсе һәм тышкы кыяфәте өчен җавап бирә.

Кайбер технологияләрдә глазурь җитештерү өчен электән кургаш кушылмалары кулланыла. Дөрес әзерләгәндә моның бер куркынычы юк, әмма технология бозылган очракта кургашның эчемлеккә күчү ихтималы зур.

Әйтик, әче эчемлекләр аеруча куркыныч: түбән pH кайбер металларның савыт-саба материалыннан азыкка күчүенә китерә. Шуңа күрә глазурь белән капланган керамикада әче сөт ризыкларын һәм әче эчемлекләрне озак сакламагыз.

Организмга даими рәвештә кургаш кергәндә, ул тукымаларда, шул исәптән сөякләрдә тупланырга мөмкин, аннан акрынлап канга күчә. Кургашның нерв системасына, бөерләргә һәм йөрәк-кан тамырлары системасына зыян китерүе билгеле. Бигрәк тә балаларның баш мие һәм нерв системасы үсешен бозарга мөмкин.

Ләкин шунысы мөһим: барлык керамик кружкалар да зыянлы дигән сүз түгел, сүз нәкъ расланган очраклар турында бара.

Автор фотосы.