Шаярганнар, имеш...

Уфа үзәгендәге бер мәктәптә укучы ике үсмер, үзләренчә шаяртып, көрттә чокыр казыган һәм кеше җирләүне импровизацияләгән. Бу хакта Bash.News чыганагы яза.

Әйткәндәй, шундый эчтәлектәге фотосурәтне Интернетка куеп, Русия мәктәпләренең берсе инде шау-шу тудырган булган. “Лайк”лар артыннан куыпмы, кызыкка күрепме, аны башкалар да “эләктереп” алган, күрәсең.

Әлбәттә, мондый хәлләр кабатланмасын өчен өлкәннәргә балалар арасында аңлату эше алып барырга, җеназаны уен итүнең дөрес гамәл түгеллеген төшендерергә кирәк.