“Фольклориада изгелек һәм тынычлык хакына халыкларны берләштерә”

Башкортстан Башлыгы VI CIOFF® Бөтендөнья фольклориадасын ачу тантанасына югары бәя бирде, үз гомерендә мондый искиткеч тамашаны күрмәвен билгеләп үтте.

Аның сүзләренә караганда, ул югары интеллектуаль, эчке эчтәлеге белән бик яхшы килеп чыккан, гәрчә тамашаны әзерләү җиңел бирелмәсә дә.
«Без Фольклориадага соңгы биш ел дәвамында әзерләндек, ә соңгы ике елда нон-стоп режимында булды, артистлар әзерләнде. Сез республиканың Бөтендөнья фольклориадасын уздыру өчен җаваплылыкны үз өстенә алуын дөрес билгеләдегез. Эпидемиологик хәл гади түгел, әмма без барлык кагыйдәләрне истә тотып эшлибез, чараны тиешле дәрәҗәдә уздырачакбыз, барлык катнашучыларны һәм Башкортстан халкын сөендерәчәкбез”, — диде Радий Хәбиров, матбугат вәкилләре белән очрашу вакытында “Башинформ” агентлыгы соравына җавап биреп.
Республика Башлыгы Фольклориаданы үзенә күрә халык дипломатиясе булуына ышана.
“Хәзерге шартларда, төрле яктан агрессив гамәлләр күп булганда, без, арада нинди чикләр булуына, диннәр һәм милләтләр төрлелегенә карамастан, тынычлыкта, килешеп яшәргә телибез. Без бәхетле булырга телибез. Фольклориада кешелекне ниндидер шәфкатьлелек, изгелек хакына яхшы берләштерү мөмкинлеге бирә”, — диде Башкортстан Башлыгы.

Фото: Олег Яровиков