VI Бөтендөнья фольклориадасы республика буйлап сәяхәткә чыга

CIOFFның VI Бөтендөнья фольклориадасында катнашучылар республика буенча сәфәргә чыга. Тамаша концерт программалары республиканың 22 муниципаль берәмлегендә узачак.

Бүген фестиваль Салават шәһәрендә уза. Тамашачыларга Австрия, Боливия, Словакия, Греция, Мексика, Индонезия, Русия илләренең мәдәнияте белән танышу мөмкинлеге булачак.

Мишкә районында Камерун, Палестина, Франция, Белоруссия, Төньяк Македония, Перу, Эквадор, Румыния коллективлары чыгыш ясаячак.

Бүген катнашучыларны Дүртөйле районы да кабул итәчәк. Анда Әзербайҗан, Хорватия, Һиндстан, Эстония, Чили, Парагвай һәм Бенин иҗат коллективлары чыгышлары көтелә.

Чит ил кунакларының чыгышларын Уфа шәһәрендә дә күрә алачаклар. “Торатау” Конгресс-холлының югары мәйданчыгында Польша, Панама, Италия иҗат ансамбльләре уникаль шоу күрсәтәчәк.

18.00 сәгатьтә "Торатау" Конгресс-холлы амфитеатрында иҗат коллективлары фольклор коллективлары: Болгария, Испания, Казахстан, Колумбия катнашлыгында концерт программасы старт ала. Кичәнең хедлайнерлары булып Ырынбур дәүләт академия халык хоры, Русия җырчысы Тина Кузнецова һәм Zventa Sventana фолк проекты торачак.

Фото: bashinform.ru