Фольклориада парады – дуслык һәм бердәмлек бәйрәме!

Бүген Башкортстан башкаласына бөтен илдән килгән яшь талантларны бер мәйданга җыйды. Русиянең 80 төбәгеннән килгән меңнән артык катнашучы Уфага III Бөтенрусия балалар фольклориадасына старт бирде. Масштаблы мәдәни фестиваль Русия халыклары бердәмлеге елына багышланды.

Беренче көннең төп вакыйгасы – “Дуслык хороводы”. Яшь талантлар “Башкортстан” дәүләт концерт залы каршындагы әйлән-бәйлән уйнады. Аннары чагу милли костюмнар кигән яшь артистлар Ленин урамы буйлап Совет мәйданына юнәлде. Бу йөреш чын дуслык һәм бердәмлек бәйрәменә әверелде. Ә шәһәр халкына һәм кунакларына бик озак истә калырлык искиткеч тамаша булды.

Русиянең төрле төбәкләреннән килгән иҗат коллективлары Совет мәйданында тантаналы парадта үтте.  Фольклориадада 10 яшьтән 18 яшькә кадәрге балалар — 78 иҗат коллективы һәм 8 солист катнаша. Алар үз халыкларының  иҗатын җырлар, биюләр, музыка коралларында уйнау, шулай ук фольклор, йолалар һәм милли уеннар кебек жанрлар аша чагылдыралар. Катнашучыларның географиясе таң калдыра: Саха (Якутия) Республикасыннан алып Калининград өлкәсенә һәм Луганск Халык Республикасына кадәр.

Әлеге мизгелләрдә Совет мәйданындагы төп сәхнәдә илнең иң яхшы балалар коллективлары катнашлында өч сәгатьлек бәйрәм концерты бара.  Ә аннары башкала кунаклары һәм катнашучылар өчен беренче көннең хедлайнеры – Русиянең атказанган артисткасы Марина Девятова чыгыш ясаячак.

Фото:III Бөтенрусия балалар фольклориадасы матбугат хезмәте