“Нәни бакчачылар” – Алия һәм Мәрьям

Бертуган кызлар Алия һәм Мәрьям Исламовалар Борай районының Борай авылында яши. Алиягә – 5 яшь, ә сеңлесенә нибары 2,5 яшь кенә әле. Кызлар әти-әнисенә бакчада җиләк үстерергә ярдәмләшә: чүп утыйлар, су сибәләр, җиләкләрне күчереп утыртканда, савытларга туфрак салып торалар.

“Кызларым булышып торганга да җиләк быел аеруча мул уңыш бирде. Аларның кечкенәдән уңган булып үсүенә сөенәм!” – ди әниләре.

Афәрин, кызлар!