Яшь техниклар Мәскәүгә барачак

Күмертауда “Яшь техниклар һәм уйлап табучылар” Бөтенрусия конференциясенә сайлап алу туры үтте.

Сайлап алу турында республиканың 17 шәһәр һәм районыннан 100дән артык яшь уйлап табучы катнашты. Жюрига түгәрәкләрдә, техник һәм инновацион иҗат секцияләрендә шөгыльләнүче мәктәп укучыларының иң яхшы 86 фәнни-тикшеренү проектлары тәкъдим ителде. Проектлар икътисад һәм социаль өлкә, сәламәтлек һәм медицина, сәнәгать технологияләре һәм робототехника, нанотехнология, киләчәк транспорты, мәгълүмати технологияләр һәм башка өлкәләрдәге темаларны яктырта.

Иң яхшы эшләргә югары бәя бирелде, аларның авторлары “Яшь техниклар һәм уйлап табучылар” Бөтенрусия конференциясе җиңүчеләре һәм призерлары исеменә лаек булды. Җиңүчеләр 28 июньдә Мәскәүдә узачак Бөтенрусия конференциясендә катнашачак

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан;

#ВладимирПутин