Балалар сәламәт үссеннәр!

1 августтан Уфа районындагы льготалы категориягә кергән өч яшькә кадәр 323 бала бушлай сөт белән тәэмин ителә башлады. Бу мөһим эш Владимир Путинның май указларына ярашлы, "Демография" гомумдәүләт проекты кысаларында гамәлгә ашырыла. Моннан тыш сөт кухнялары ризыкларын теләге булган һәркем үз исәбенә сатып алырга мөмкин.

"Уфа районында яшәүче балаларны сөт белән тәэмин итү Стәрлетамак шәһәрендә сөт фабрикасын ачу нәтиҗәсендә мөмкин булды. Гомумән алганда, Стәрлетамакта җитештерелгән сыйфатлы һәм файдалы продукция белән республикада яшәүче 2,5 мең бала тәэмин ителәчәк, - диде Башкортстанның Сәүдә һәм кулланучылар хокукларын яклау буенча дәүләт комитеты рәисенең беренче урынбасары Алексей Гусев.

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан;

#ВладимирПутин