Балалар өчен яңа тренажерлар кайтты

Нефтекама шәһәренең балалар поликлиникасына хәрәкәтләнү активлыгын тернәкләндерү өчен ике заманча тренажер кайтартылды. Биредә көндезге стационардагы дәвалау физкультурасы залына ай саен 70ләп бала йөри. Тренажерларда кул-аяклар травмасы алган балалар да, профилактик максаттан шөгыльләнүчеләр дә бар.

Яңа тренажерларның берсе — “Ортромат” суставлар һәм мускуллар эшчәнлеген яхшыртуга булышлык итә. Икенчесе — “Орторент” велотренажерны хәтерләтә. Ул шулай ук мускуллар эшчәнлеге өчен файдалы. Әлеге тренажерларда 7 яшьтән өлкән балалар шөгыльләнә ала.

Яңа медицина корылмасы “Сәламәтлек саклау” гомумдәүләт проекты кысаларында кайтартыла. Аны республиканың 11 медицина оешмасы алачак: Республика балалар клиник дәваханәсе, Стәрлетамакның балалар дәваханәләре, Уфаның 17нче, Белорет, Бөре, Мәсәгуть үзәк район дәваханәләре, шулай ук, Нефтекама, Салават, Күмертау, Сибай, Октябрьский шәһәрләре дәваханәләре.

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан;

#ВладимирПутин