Халык исәбен алу волонтеры буласың киләме?

Ул агымдагы елның көзендә – 1 октябрьдән 31 октябрьгә кадәр узачак. Башкортстанда яшәүчеләр 2020 елда халык исәбен исәпкә алу волонтеры була ала.

Росмолодежь һәм Росстат 2020 елда халык исәбен алуда беренче тапкыр 20 меңгә якын кеше катнаша алачак килешүгә кул куйды. Владимир Путинның “Мәгариф” гомумдәүләт проекты кысаларында үткәрелә торган “Халык исәбен алу волонтерлары” проекты 2020 елгы иң масштаблы ирекле проект булачак. Иреклеләр халык белән мәгълүмати-аңлату эшләренә, шулай ук халык санын алучылар сыйфатында мәгълүмат җыю өчен җәлеп ителәчәк.

Бөтенрусия халык исәбен алу 2020 елның 1 октябреннән 31 октябренә кадәр узачак. Волонтерларны сайлап алу һәм аларны укытуны Росстат иреклеләр үсеше буенча төбәк үзәкләре белән берлектә үткәрәчәк, дип хәбәр итә республиканың Яшьләр сәясәте һәм спорт министрлыгы матбугат хезмәте.

"Волонтерлар өчен укулар көненә 3 көн дәвамында 5әр сәгать дәвам итәчәк, укулар агымдагы елның октябрь башында узачак. Аларны халык белән ничек аралашырга һәм үзләрен ничек тотарга, мәсәлән, фатирда туй яки җеназа барганда, баладан башка беркем дә булмаса, сораулар бирергә өйрәтәчәкләр. Ерак төбәкләрдә исәпкә алучыга 350 кешене исәпкә алырга туры киләчәк", — дип белдерә Бөтенрусия халык исәбен алуны оештыручылар.

Бөтенрусия халык исәбен алу волонтеры булу өчен сайтта теркәлергә мөмкин: https://1year.strana2020.ru/volunteer.php