-28 °С
Болытлы
Журналга язылу
Барлык яңалыклар

Курчак театры иркен һәм матур булачак!

Реконструкция проекты әзер һәм ул дәүләт экспертизасы үткән.

Бу хакта республика Мәдәният министрлыгына сылтама белән “Башинформ” хәбәр итә.
Реконструкция кысаларында кече зал, балалар актерлык осталыгы студиясен, мультипликация студиясен үз эченә алган дүрт катлы янкорма төзү планлаштырыла. Театрның гомум мәйданы 2,5 мең квадрат метрдан 6,5 мең квадрат метрга җитәчәк. Янкорманы реконструкцияләү һәм төзү эшләренең тулы комплексын 2021 елдан 2022 елга кадәр үткәрү планлаштырыла.
Реконструкция чыгымнарының бер өлешен Владимир Путинның май указлары белән имзаланган “Мәдәният” гомумдәүләт проектының “Мәдәни мохит” проекты кысаларында федераль субсидия исәбенә каплау планлаштырыла. Калган өлеше республика бюджетыннан финансланачак.
Башкорт дәүләт курчак театрына 1932 елда нигез салына һәм ул республикада иң борынгы театрларның берсе. Аның үсешен 1976 елда төзелгән бинада мәйданнар җитмәү тоткарлый.
2014 елда курчак театрын дәүләт-шәхси партнерлык нигезендә үзгәртеп кору планлаштырыла. Концессия шартларында 13,9 мең кв. м мәйданлы өч катлы объектны, 450 һәм 300 урынга исәпләнгән ике җир асты катлары, тамаша залы булган өч катлы объектны файдалануга тапшыру планлаштырыла. Әмма бу проект алай ук тормышка ашырылмаган.
Фото: bashinform.ru
Читайте нас в