“Кечкенә ил” ишекләрен ачты!

Объект Президент Владимир Путинның май указлары белән имзаланган “Демография” гомумдәүләт проекты кысаларында сафка кертелде.

Балалар бакчасын ачу тантанасында мәгариф һәм фән министры Айбулат Хажин катнашты.

Яңа балалар бакчасы ике яшьтән җиде яшькә кадәрге 95 балага исәпләнгән. Бинада балаларның физик һәм зиһен үсеше өчен кирәкле бөтен шартлар да тудырылган: иркен төркемнәр, медицина кабинеты, музыка һәм спорт заллары, методик кабинет, логопед кабинеты һәм башкалар. Балалар саф һавада рәхәтләнеп уйный алачак: алар өчен таучыклар, комлык, таганнар һәм спорт корылмалары төзелде, алар барлык заманча хәвефсезлек нормаларына туры килә.

Малаяз авылында балалар бакчасы төзелеше бик актуаль мәсьәлә булып торды һәм район үзәгендә балалар бакчасына юллама алу мәсьәләсен тулысынча хәл итте.

Шулай ук Салават районының Янгантау авылында 190 урынлы балалар бакчасы төзелеше башланган. Ул төзелү белән, балалар бакчаларына чират бөтен район буенча бетереләчәк.