Мәчетледә ике яңа ФАП эшли башлады

Мәчетле районының Кече Устьикин һәм Түбән Бобино авылларында ике яңа фельдшер-акушерлык пункты эшли башлады. Алар Русия Президенты Владимир Путинның май указлары белән имзаланган “Сәламәтлек саклау” гомумдәүләт проектын гамәлгә ашыру нәтиҗәсендә булдырылды.

“Фельдшер-акушерлык пунктлары типик проект буенча төзелгән, — дип хәбәр итә Сәламәтлек саклау министрлыгының матбугат хезмәте. — Һәр ФАПта фельдшер һәм процедура кабинетлары, акушерлык-күзәтү һәм санитария-көнкүреш бүлмәләре бар. Салкын һәм кайнар су, канализация, электр, вентиляция системасы үткәрелде".

Яңа ФАПларда яшь белгечләр — районга “Авыл фельдшеры” программасы буенча кайткан яшь белгечләр, күптән түгел гаилә корган Сальмаевлар эшләячәк.

Быел Башкортстанда 72 авария хәлендәге фельдшер-акушерлык пунктын төзекләндерү планлаштырылган.