“Хыял белән яшәргә кирәк!”

Башкортстанның дистанцион укытуда булган укучыларын бүген экраннар аша космонавт-сынаучы, Русия Герое Сергей Ревин сәламләде. Ул барлык республика халкын, укытучыларны һәм укучыларны Беренче тапкыр космоска очу көне белән котлады.

Әлеге чара Владимир Путинның май указлары белән имзаланган "Мәгариф" гомумдәүләт проекты кысаларында тормышка ашты.

"Бу вакыт эчендә безнең космонавтикада бик күп билгеле даталар һәм вакыйгалар булды. Хәзер без Халыкара космик станциядә эшлибез, организмыбызның космик очышның кайбер башка факторларына реакциясен аңлау өчен кирәк булган уникаль медицина экспериментлары белән шөгыльләнәбез. Антибиотиклар ясау өчен кирәк булган аксым кристаллын үстерү белән шөгыльләнәбез, җир өслеген күзәтәбез. Айга һәм аның тирәли очучы космик кораб проектлыйбыз. Ай тирәли оча алачак уникаль космик станция булдыру турында да уйланабыз. Әлбәттә, болар барысы да якындагы өч-биш ел эчендә түгел, бу безнең 10, 15, 20 елга перспективабыз. Әмма Королев һәм Циолковский нәкъ менә шул хакта хыялланган. Мин сезгә шуны әйтер идем, дуслар: хыял белән яшәргә кирәк!. Үз-үзеңә хыял уйлап тап һәм аны әкренләп тормышка ашыруга якын кил. Безнең танылган космонавт Владимир Джанибеков әйтәнчә, “утрауның, планетаның барлык законнары да ачык һәм ышан, сиңа аларны ачарга туры киләчәк", — диде Сергей Ревин.

Фото: rewizor.ru