Бакчалы да, мәктәпле дә булдылар!

Ләүзә авылында бер түбә астында урнашкан 80 укучыга исәпләнгән мәктәп һәм 40 урынлык балалар бакчасы файдалануга тапшырылды. Объектны төзүгә 160 миллион сумнан артык акча киткән. Мәгариф учрежениесе Владимир Путинның май указлары белән имзаланган “Демография” гомумдәүләт проекты кысаларында тормышка ашты.

Мәктәп заманча таләпләргә җавап бирә, барлык җиһазлары булган компьютер классы, лаборатория, лингафон кабинеты, душ бүлмәләре булган спорт залы, башлангыч сыйныфларда интерактив такталар бар.

Сыйныфларның берсендә Ләүзә авылыннан чыккан Советлар Союзы Герое Дмитрий Сергеевич Ракшинга, мәктәп аның исемен йөртәчәк, һәм Дагыстан Республикасында хәрби бурычларын үтәгәндә һәлак булган хәрби хәрәкәтләрдә катнашучы Дмитрий Силкога багышланган “Геройлар парталары” урнаштырылган. Укуда югары күрсәткечләргә ирешкән укучылар гына бу парталар артында утыру хокукына лаек булачак.

“Мәктәп, чыннан да, яхшы килеп чыкты һәм укучыларга ошар дип уйлыйм, анда безнең район горурланырлык кешеләр тәрбияләнәчәк һәм белем алачак”, — дип билгеләп үтте үз чыгышында район хакимияте башлыгы Зөһрә Гордиенко.