Гран-при – дүртөйлеләрдә!

Дүртөйле районының музыкаль коллективлары "Мәдәният" гомумдәүләт проекты кысаларында узучы өлкән буын кешеләренең "Мин яратам сине, тормыш" X республика иҗат фестивале Гран-при ияләре булды. Шушы көннәрдә БСТ телеканалында җиңүчеләрне бүләкләъ тантанасы үтте.

Дүртөйле районы вәкилләренең берсе – гармунчылар инструменталь коллективы. Алар барысы да 50 яшьтән өлкәнрәкләр, ә аларның җитәкчесе – яшь, талантлы 34 яшьлек Алмаз Ибраһимов. Ул төркемгә тәҗрибәле артистларны туплаган, коллектив өч ел эчендә республикада гына түгел, Русия күләмендә үткән конкурсларда катнашып, призлы урыннар яулаган.

"Бәллүр" фольклор ансамбле дә сәхнәдә бер ел гына чыгыш ясамый. Аның белән үзешчән артист Эльза Әхмәдиева җитәкчелек итә. Ансамбльнең солистлары – авыл кешеләре, авыл мәдәният йортлары хезмәткәрләре. Алар бергә ата-бабаларыбызның гореф-гадәтләрен тергезә, саклый. Әйтик, биюче Камил Нуриәхмәтовка 62 яшь. Ул гомер буе халык биюләре белән кызыксына. Электрик-яктыртучы булып эшли, әмма сәхнә аны күбрәк рухландыра, балалар да аңа тартыла, яшьләр дә, күпләр Камил Фагил улына бию сәнгате нигезләрен өйрәнергә килә.

"Дүртөйле районының музыкаль коллективлары Башкортстанның 61 районыннан катнашкан 2200 артист арасында үткәрелгән республика фестиваленең Гран-при ияләре булды. Җиңүчеләрне бүләкләү БСТ телеканалның туры эфирында барды, без тамашачыга дүртөйлеләрнең иң яхшы чыгышларын тәкъдим иттек. Алар барысы да талантлы, булдыклы артистлар, сәнгатьне яратучылар. Гран-приның яулау –  безнең өчен зур дәрәҗә, алга таба үсү һәм ирешелгәннәрдә тукталып калмау өчен яңа стимул",- диде Дүртөйле районы хакимияте башлыгы Риф Йосыпов.

Фото:srk.nationalpriority.ru