Дәү әниләр спорт белән дус!

Балтач районы үзәгендәге “Яшьлек” физкультура-савыктыру комплексында өлкән яшьтәге кешеләр өчен “Шәхси гигиена һәм дәвалау физкультурасы нигезләре һәм методологиясе” дисциплинасы буенча укыту эше алып барыла. Ул Президент Владимир Путинның “Демография” гомумдәүләт проектына һәм “Башкортстан Республикасы халкын социаль яклау” дәүләт программасының “Өлкән буын” программасына ярашлы үткәрелә.

Дисциплинада катнашучылар – 55 яшьтән алып 80 яшькә кадәр булган хатын-кызлар. Биредә алар өчен дәвалау физкультурасы, йөзү, шулай ук ГТО комплексы нормативларын үтәүгә әзерлек буенча дәресләр оештырыла.

"Безнең пенсионерлар чираттагы тапкыр актив озын гомерле булуларын исбатлады. Моның төп факторларының берсе –физкультура һәм спорт белән даими шөгыльләнү. Өлкән буын тиз-җитез булулары белән генә түгел, ә рухи көч, тормышны ярату, оптимизм кебек сыйфатлары белән дә таң калдыра. Аларга яшьтәшләре дә, яшьләр дә тигезләшә ала. Программада катнашучылар нинди генә яшьтә дә актив, көчле һәм оптимист булып калырга мөмкин булуын тагын бер кат исбатлады. Алар үрнәгендә башкалар да спорт белән дуслашыр дип ышанам", – ди “Яшьлек” физкультура-сәламәтләндерү комплексы директоры Фәрит Галимов.

Чыганак: Балтач районы хакимиятенең мәгълүмат-аналитика бүлеге

Фото: srk.nationalpriority.ru