+21 °С
Болытлы
Журналга язылу
Барлык яңалыклар

Гимназиядә ремонт тулы куәтенә бара

Уфада “Мәгариф” гомумдәүләт проекты буенча 115нче мәктәпне төзекләндерү бара.

Гимназиядә ремонт тулы куәтенә бара
Гимназиядә ремонт тулы куәтенә бара

Уфаның 115нче гимназиясе тиздән танымаслык булып яңарачак. 2021 елның декабрендә “Мәгариф” гомумдәүләт проекты кысаларында аны реконструкцияләү буенча масштаблы эшләр башланды.

Уку йортының иске бинасын ремонтлап, янәшәдә генә яңа корпуслар төзиячәкләр. Тиздән гимназиянең мәйданы киңәячәк, аның сыйдырышлыгы 800 дән 1225 урынга кадәр артачак. Реконструкция чорында укучылар якындагы мәгариф оешмаларында —27нче һәм 7нче мәктәпләрдә шөгыльләнә.
1967 елда төзелгән гимназия бинасында моңа кадәр бер тапкыр да капиталь ремонт үткәрелмәгән, шуның нәтиҗәсендә спорт залы һәм ашханә, канализация, җылыту системасы, гомуми кулланылыштагы урыннардагы тәрәзәләр, санузеллар авария хәлендә булган.


Техник задание буенча уку кабинетлары, административ-хуҗалык бүлмәләре, азык-төлек блогы, эстрада белән актлар залы, ике спорт залы, медицина блогы, уку залы булган китапханә, йөгерү юлы булган мәктәп стадионы, мини-футбол, баскетбол, волейбол мәйданчыклары, ГТО нормаларын тапшыру һәм хәрәкәтчән уеннар өчен мәйданчыклар каралган. Белем бирү процессын тормышка ашыру өчен гимназия заманча компьютерлар һәм мультимедиа җайланмалары белән җиһазландырылачак.
Агымдагы елның 8 июленә төзүчеләр төп бинаны (А секциясе) эчке эшләренә, тәрәзә блокларын урнаштыру, фасадны җылытуга керештеләр. Параллель рәвештә су, канализация, электр, җылылык белән тәэмин итүнең тышкы челтәрләре буенча электромонтаж һәм җир эшләре башкарыла. Моннан тыш, спорт объектлары өчен бетон нигез салына башлады. Шулай ук яңа корпусларның диварларын кирпечтән салу, секциянең яңа өч катлы бинасын тышлау дәвам итә.


Төзүчеләр билгеләп үткәнчә, гимназияне реконструкцияләү эш планы нигезендә алып барыла. Объектта көн саен 150гә якын кеше эшли. Эшләр агымдагы ел ахырында тәмамланачак.

Фото: bashinform.ru

Автор:Юлия Төхбәтуллина
Читайте нас в