Наратлык буе гөрләп торды!

Президент Владимир Путинның май указлары белән имзаланган "Демография" гомумдәүләт проекты кысаларында шушы көннәрдә Агыйдел шәһәре янындагы наратлыкта Кыш Бабай призына чаңгы ярышлары узды. Ярышларда теләге булган һәркем катнаша алды. Финишта катнашучыларны татлы бүләкләр белән Кыш Бабай каршы алып торды.

Спорт чарасы 100гә якын катнашучыны җыйды. Ярышта Николо-Березовка, Арлан, Нефтекама һәм Дүртөйле командалары катнашты. Күпләр гаиләләре белән килгән иде. Мәсәлән, Андрей Антипин улы Кирилл белән килгән. Кирилл күптән түгел триатлон белән шөгыльләнә башлаган һәм биредә призлы урын өчен көрәште. Халит Шәрәфетдинов белән Фәрит Хисамов узышта ел саен катнаша. Алар –  "Актив озын гомер” клубы әгъзалары. Кошларга да бәйрәм булсын өчен үзләре белән җимлекләр алып килгәннәр.

Ярышларда катнашучыларны шәһәр хакимияте башлыгы урынбасары Эдуард Йосыпов сәламләде. Ул чаңгычыларга уңышлар һәм матур кәеф теләде.

 Ниһаять, Кыш Бабай ярышларга старт бирде. Һөнәри чаңгычыларга һәм спорт ветераннарына өч километр ара үтәргә туры килде, ә балалар өчен зур булмаган дистанция билгеләнде.

Катнашучыларны финиш сызыгында җанатарлары, дуслары һәм якыннары каршы алды.

Ярышларның нәтиҗәләре республиканың төньяк-көнбатыш төбәге мәктәп укучылары арасында чаңгы ярышлары буенча зачетка керәчәк.

Фото: contenta.info