Батырлык онытылмый

Агымдагы елның 19 ноябрендә "Русия символлары. Бөек Ватан сугышы: фронт һәм тыл батырлыклары" Бөтенрусия олимпиадасы узды.

Уфа шәһәренең 7 нче модельле балалар китапханәсе бу чараны үткәрү мәйданчыкларының берсе булды. Ике яшь категориясендәге: 10нан 12 яшькә һәм 13тән 16 яшькә кадәр китап укучылар 10 сорауга җавап бирделәр. Олимпиадада катнашучыларның барысы да аларга кызыклы һәм танып-белү сораулары ошавын һәм бу патриотик чарада катнашуларына бик шат булуларын белдерделәр.

Олимпиада барлык санитар таләпләрне үтәп узды: битлек, социаль дистанция, һәр укучыдан соң өстәлне дезинфекцияләү. Чара ахырында китапханә мөдире Ирина Зиннәтуллина китап сөючеләргә Бөек Ватан сугышы наградалары турында сөйләде.