Их, шул мәктәп тәрәзәсе!..

Шук малайларның баш бәласе инде ул! Кыек аткан әйберең, үч иткәндәй, туп-туры шунда барып бәрелә дә пыяла өлгесе коелып та төшә. Ә аннан башлана инде...

Дуслар, балалар тормышыннан берничә кызык-мызык тәкъдим итәбез. Кәефләрегез күтәренке булсын!

***

- Әти, сине мәктәпкә чакырталар?

- Тагын нишләдең инде?

- Тәрәзә кырдым...

- Тагын?.. Бу мәктәпнең мин алыштырмаган ничә тәрәзәсе калды соң әле?!

***

- Әни, без быел диңгезгә барабызмы?

- Быел юк...

- Ә нигә?

- Быел репетиторларың бара.

***

- Мин бишле алган саен әнием вак бәлеш пешерә, - дип мактана икән ахирәтенә укучы кыз.

- Түм-түгәрәк бишле капчыгы икәнлегең күренеп тора инде!

***

Невропатолог мәктәпкә укырга төшәсе балага сораулар бирә.

- Песинең ничә тәпие бар?

- Дүрт.

- Ә колаклары ничәү?

- Ике.

- Күзләре ничәү?

- Ике.

- Ә койрыгы?

Малайның түземлеге калмый:

- Әни, бу абый бигрәк бәхетсез. Песи күргәне генә дә юк!..

***

Ике малай урамда футбол уйный.

- Сезнең өйдән нинди тавыш килә ул? - дип сорый икән берсе.

- Математикадан минем өйгә эшне эшлиләр. Картәти әтигә мәсьәләнең ничек чишелүен аңлата...

Читайте нас:

Шулай ук укыгыз

IT-белгечләр өчен ташламалы ипотека гамәлдә

Уфада яңа спорт комплекслары барлыкка киләчәк

Эшләгез генә! Ярдәм итәбез!

Баш мөхәррир: Фаил Камил улы Фәтхетдинов

Телефон

(347)272-62-19

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 612

Реклама хезмәте

8(347) 272-62-27

Редакция

8(347)272-62-19

Кабул итү бүлмәсе

8(347)272-13-61

Хезмәттәшлек

8(347)272-62-19

Кадрлар бүлеге

8(347) 272-62-27