Әйт әле, Күбәләк...

"Әллүки" почтасына Бәләбәй шәһәреннән, Гөлфия исемле яшь дустыбыздан хат килеп төште. Ул да "Җәйге ялың ничек үтә, дустым?" конкурсында катнашырга теләк белдергән. Җиңүче август ахырында билгеле булачак. Сез дә хатлар языгыз, фотолар салырга да онытмагыз, дуслар!

Минем җәйге каникулларым күңелле үтә. Әллә кая да барасы түгел, картәнием белән картәтием безгә якын гына яши. Мин еш кына аларда кунак булам. Шәһәр кызы булсам да, бөтен эшне эшли беләм - бакчадагы җимешләргә, гөлләргә су сибешәм.

Җәйге матур көннәрдә гаиләбез белән урманга җиләккә йөрдек. Яланда, миннән һич курыкмыйча, кулыма күбәләк кунды. Озак кына очып китми торды ул. Тукай бабай шигырендәге кебек аның белән сөйләшеп тә карадым, җавап кына бирмәде күбәләккәй.

Минем дусларым да бик күп әле. Алар белән очрашабыз, бергәләп уйныйбыз. Компас кушаматлы этем белән уйнап алырга да онытмыйм. Күңелле җәй көннәре!

Гөлфия Гафиятова, 8 яшь.

Бәләбәй шәһәре.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Шулай ук укыгыз

IT-белгечләр өчен ташламалы ипотека гамәлдә

Уфада яңа спорт комплекслары барлыкка киләчәк

Эшләгез генә! Ярдәм итәбез!