Һәркайсына – 15 бала!

Бүген - Тәрбиячеләр көне. 1863 елда нәкъ шушы көнне Санкт-Петербургта беренче балалар бакчасы ачылган.

Башстат мәгълүматларына караганда, 2019 елда республикада 1857 мәктәпкәчә белем бирү оешмасы эшләгән. Аларда 19,8 мең педагог хезмәт салган, шуларның 16 меңе — тәрбиячеләр.

Шулай ук балалар бакчаларында музыка җитәкчеләре, физкультура инструкторлары, психологлар, дефектологлар, социаль белгечләр эшли. Педагогларның 63,2 проценты югары белемле, 36,5 проценты-урта һөнәри белемле.

Тәрбиячеләр уртача 40 яшьтә. Аларның һәркайсына уртача 15 бала туры килә. Тәрбияченең уртача хезмәт хакы – 17,5 мең сум тирәсе.