"Әллүки"гә сыйныф белән язылдык!

Уфаның 84 нче Татар гимназиясе укучылары арасында "Әллүки"нең тугры дуслары бик күп. Алар һәр язылу чорында балалар басмасына актив языла. Гимназия тормышы, анда үткәрелгән чаралар турында редакциягә даими хатлар язалар.

Шушы көннәрдә Айгөл Рәшит кызы Ахунова җитәкчелегендәге 1В сыйныфы укучыларыннан сөенечле хат алдык. "Без журналга 2019 елның икенче яртысына да сыйныф белән - 30 укучы язылдык. "Әллүки"не яратабыз, көтеп алабыз!" - дигәннәр.

Афәрин, дуслар! Җәйге ялларыгыз күңелле һәм "Әллүки"ле үтсен!