Тәнәфескә тимәгез!

Иглин районында прокуратура районның кайбер мәктәпләрендә закон бозу очракларын ачыклаган.

Эчке документлар буенча, укытучылар инициативасы белән дәресләрнең дәвамлылыгы арттырылырга мөмкин булган. Бу исә законны бозуга керә. Кагыйдә буенча бер дәрес - 45 минуттан, ә беренче сыйныфта 40 минуттан артмаска тиеш.

Шулай итеп, укытучылар укучыларның законлы ял вакытларын алган булып чыга.

Прокуратура балаларның дәресләрен тиешле сроктан артмаган вакытка кире кайтарды.