Бабам белән горурланам!

Быел илебез Бөек Ватан сугышында Җиңүнең 75 еллыгын билгели. Сугыш яланында ятып калган яугирләрне, безгә тыныч, матур тормыш бүләк иткән ветераннарны искә алу, хөрмәтләү уңаеннан республикада төрле чаралар үтәчәк. Әлбәттә, “Әллүки” дә бу зур вакыйгадан читтә калмый. Яшь дусларыбызга “Җиңү өчен рәхмәт” дигән өр-яңа конкурс тәкъдим итәбез. Дуслар, сездән сугышта катнашкан бабаларыгыз, әбиләрегез турында язмалар, фотолар көтәбез. Конкурска йомгак журналның май санында ясалачак. Җиңүчеләрне истәлекле бүләкләр көтә.Бәйгене Айгөл исемле кызның бабасы турында язган хаты белән башлап җибәрәбез.