+18 °С
Болытлы
Журналга язылу
Барлык яңалыклар
Мин — укучы!
17 апрель 2020, 12:50

“Милли кием безгә бик килешә!”

Бүген — Башкортстан халыкларының милли костюмнары көне. Бәйрәм чараларына Уфаның 65нче Татар гимназиясе дә актив кушылды.

Төбәк Башлыгы Радий Хәбиров Указы нигезендә бу көн беренче тапкыр һәм хәзер ел саен апрельнең өченче җомгасында һәм сентябрьнең икенче җомгасында билгеләп үтеләчәк. Эпидемиологик хәлгә бәйле рәвештә бәйрәмне онлайн форматта үткәрергә карар ителде.
Милли костюмнар көненә республика белем учаклары да актив кушылды. Мәсәлән, Уфаның 65нче Татар гимназиясе онлайн форматта төрле чаралар оештырды.
“Безнең гимназия укытучылары сыйныф сәгатьләрен, туган тел дәресләрен “Милли халык киемнәре”, “Татар халкының милли киеме” дигән темаларга багышлады. Укучыларыбыз онлайн форматта оештырылган дәресләрдә түбәтәй, калфак, читек, чулпы турында үз белемнәрен арттырды, яңа мәгълүмат алды. Шунысы сөенечле, укучылар халкыбызның милли киемнәре белән кызыксына, сораулар бирә. Мондый чаралар, дәресләр фәһемле, кызыклы, тәрбияви”, — ди татар теле һәм әдәбияты укытучысы Лилия Рәис кызы Фаткуллина.
Фото: гимназия сайтыннан.
Читайте нас: