“ВПР” көзгә күчерелде

Бөтенрусия тикшерү эшләре көзгә, киләсе уку елы башына күчерелде. Мондый карарны Русия Мәгариф һәм фән министрлыгы, коронавирус пандемиясе белән бәйле рәвештә, 17 апрельдә кабул итте.

Бөтенрусия тикшерү эшләрен 4-8нче, шулай ук 10 һәм 11 нче сыйныфларда белем алучы алты миллионнан артык укучы язарга тиеш иде. 10-11нче сыйныфларда тикшерү эшләре, мәктәпләр дистанцион укыту режимына күчкәнче үк, март аенда узды.

4-8нче сыйныф укучылары өчен тикшерү эшләре агымдагы уку елы тәмамланганчы үткәрелмәячәк. Алар сентябрь-октябрь айларында узар дип планлаштырыла.