+14 °С
Болытлы
Журналга язылу
Барлык яңалыклар
Мин — укучы!
23 апрель 2020, 13:50

Сәйдә Мөхәммәтҗанова белән дәрес бер тында үтте!

Уфа шәһәренең 1нче Татар якшәмбе мәктәбе укучылары өчен остазлары шәп чара оештырган. Кызлар һәм малайларга Татарстанның талантлы кызы Сәйдә Мөхәммәтҗанова белән аралашу бәхете тигән. Түбәндәге матур эчтәлекле хат шул хакта.

Уфа шәһәренең 1нче Татар якшәмбе мәктәбендә дистанцион укыту төрле чаралар, онлайн-очрашулар белән кызыклы үтә. Шушы көннәрдә безнең укучылар “Кечкенә журналист” онлайн-дәресендә Татарстанның талантлы кызы, “Голос Дети” тамашасында катнашып, икенче сезоның финалисты булган Сәйдә Мөхәммәтҗанова белән очрашты. Дәрес “интервью” формасында узды һәм анда укучылар гына түгел, әти-әниләр дә катнашты.
Сәйдә безне үзе белән якыннан таныштырды. Ул сәләтле, моңлы тавышлы булуы белән бергә, ачык, ягымлы кыз. Татарча да, урысча да, инглизчә дә җырлый. Онлайн-дәрестәдә яшь җырчыбыз “Әллүки” җырын башкарып үтте.
Укучылар Сәйдә Мөхәммәтҗанова турында күп яңалыклар белде, үзләрен кызыксындырган сорауларны бирде. Очрашу балалар өчен дә, әти-әниләр өчен дә бик кызыклы булды.
Без, үз чиратыбызда, танылган шәхесләр белән онлайн-очрашуларны дәвам итәчәкбез.
Дамира Сафина,
1нче Татар якшәмбе мәктәбе педагогы.
Фото:kidsmusic.info
Читайте нас: