Май бәйрәмнәрендә балалар ничек укый?

Башкортстанда башлангыч сыйныф укучылары (1-4 сыйныфлар) 6 майдан 8 майга кадәр укудан азат ителде. Әлеге карар төбәк җитәкчесенең “Югары әзерлек режимын кертү турында”гы указында теркәлгән.

5-11 сыйныф укучылары программаны дистанцион үзләштерүне дәвам итәчәк, диелә республика Башлыгының 30 апрельдәге указының үзгәртелгән версиясендә.

Искәртеп узабыз, Башкортстанда үзизоляция режимын керткәннән соң, укучылар 6 апрельдән дистанцион укуга күчте. Төбәк җитәкчелеге бу төр дәресләрнең киләсе уку елы башында дәвам итү мөмкинлеген дә билгели.