Уку елының кайчан тәмамлануы билгеле

Бүген министрлыклар һәм ведомстволар җитәкчеләре, муниципаль районнар һәм шәһәр округлары башлыклары белән оператив штабның чираттагы утырышында Башкортстанда уку елы кайчан тәмамланачагы игълан ителде.

Мәгариф һәм фән министры Айбулат Хаҗин сүзләренә караганда, башлангыч мәктәпләр — 1-4 сыйныфы укучылары уку елын 22 майда төгәлли.

5-11 сыйныф укучылары өчен уку елының соңгы дәресләре 29 майда булачак.

“Мин бу уку елында ахыргача укып бетерү яклы", — дип билгеләп үтте республика башлыгы Радий Хәбиров.