Укучыларга тарих буенча өстәмә курс кертмәкчеләр

Мәгариф министрлыгы мәктәпләрдә тарих буенча өстәмә курс кертергә җыена

Мәктәпләрдә тарих дәресләре кысаларында “Русия – минем тарихым” дигән курс барлыкка килергә мөмкин, аны кертү турында фикер алышулар бара. Бу турыда “РИА Новости” агентлыгы хәбәр итә.

“Без бу курсны кертү турында фикер алышабыз, һәм ул тарих дәресләре кысаларында барлыкка килергә мөмкин. Әлеге курс 10 яки 11нче сыйныфта булачак”, - дип белдергән “РИА Новости”га биргән интервьюсында мәгариф министры Сергей Кравцов.

Ахыргы карарны уку елы башында игълан итү планлаштырыла.

Фото: ТАСС/Александр Рюмин