Дәресләр башланырга да өлгермәде...

Яңа уку елы башланырга өлгермәде, атнаның беренче көнендә үк башкала мәктәпләрен “миналау” турында янаулар килгән.

Бу хокук саклау органнарындагы үз чыганагына сылтама белән “Башинформ” агентлыгына хәбәр итә.

Бүген, 5 сентябрь иртәсендә, Уфаның кайбер мәктәпләрендә балаларны һәм хезмәткәрләрне биналардан чыгарганнар, аларны якындагы мәгариф учреждениеләренә урнаштырганнар.

Урынга ашыгыч ярдәм хезмәтләре килгән. Мәктәпләрне “миналау” турындагы хәбәрләрне тикшерү бара.

Фото:newizv.ru