Йөз балл җыючы дүрт укучы әзерләгән остаз ул!

Радий Хәбиров балалар белән уңышлы эшләү мисалы итеп Уфаның 18нче балалар бакчасы тәрбиячесе Алия Ишдәүлетованы китерде.  Ул “Иң яхшы туган тел һәм әдәбият укытучысы – 2024” Бөтенрусия конкурсында җиңгән.

Башкортстан быел мәктәп укучылары арасында интеллектуаль олимпиада нәтиҗәләре буенча Идел буе федераль округында лидерлар өчлегенә керде. Чагыштыру өчен, 2023 елда республика 14 нче урында иде. Шулай ук төбәк мәктәп укучыларының Бөтенрусия олимпиадасында җиңүчеләр һәм призерлар саны буенча алтынчы урынны алды. Җиңүчеләргә һәм призерларга, шулай ук аларны әзерләгән педагогларга премияләр 300 меңгә һәм 150 меңгә кадәр арттырылды.

Җиңүчеләр арасында Уфаның 93нче физика-математика лицее укучысы Дмитрий Вылубков та бар. Агымдагы елның мартында ул Русия җыелма командасы составында беренче Халыкара математика олимпиадасында алтын медаль яулады һәм хәзер МФТИда уңышлы укый. Укытучысы Айдар Миңнеәхмәтов быел математикадан йөз балл җыючы дүрт укучы әзерләгән. Ел саен аның укучылары фән олимпиадаларында җиңүчеләр һәм призерлар була.

"Сезгә, Айдар Рәсүл улы, һәм укучыларыгызга яңа уңышлар телибез!",- диде Радий Хәбиров.

Фото: Радий Хәбировның ТГ каналыннан