Суык көнне дәрес калдырыргамы?

Көчле суыклар вакытында укучылар мәктәпкә йөрмәскә дә мөмкин. Иртән баланы мәктәпкә җибәрергәме-юкмы дип, икеләнеп торганда, гомум кабул ителгән нормаларга таянырга киңәш итәбез.

Уфа шәһәре хакимиятенең Мәгариф идарәсендә белдерүләренчә, укучылар түбәндәге һава температурасы булганда дәресләргә йөрмәскә дә мөмкин:

1-4 сыйныфлар – 25 С;

5-9 сыйныфлар —27 С;

10-11 сыйныфлар — 32 С.

"Моннан тыш, биналарда җылылык режимын контрольдә тотуны оештырырга кирәк, санитария нормалары буенча уку бүлмәләрендә һава температурасы 18 градустан түбән булмаска тиеш. Укучыларның ата-аналары һәм законлы вәкилләре, сыйныф җитәкчесенә хәбәр итеп, балаларының мәктәпкә баруы турында карарны мөстәкыйль кабул итәргә хокуклы”, - дип билгеләделәр идарәдә.

Шул ук вакытта онытмагыз: гомуми белем бирү оешмалары тышкы һава температурасы нинди генә булган очракта да эшли.

Автор фотосы.